सिरहा ६ भदौ ।
कोरोना भाइरसको जोखिम दर बढेपछि सिरहाको मिर्चैयामा ‘तपाईको मास्क खोइ ?’ अभियान सञ्चालन गरिएको छ ।
मिर्चैया प्रहरीले बुधबारदेखि मिर्चैयामा तपाईको मास्क खोइ अभियान सञ्चालन गरेको हो । सो अभियान अन्तर्गत बुधबार मिर्चैया बजार क्षेत्रमा मास्क नलगाएर आवतजावत गरिरहेका सर्वसाधारणलाई मास्कसमेत वितरण गरिएको छ ।
मिर्चैयाको थाना चोकदेखि पश्चिममा साझा चोक हुँदै पूर्वमा कटारी चोकसम्म र्याली गरेर झण्डै सयबढी सर्वसाधारणलाई मास्क बाँडिएको इलाका प्रहरी कार्यालय मिर्चैयाले जनाएको छ ।
कोरोनाको जोखिम बढेपनि नागरिकको आवतजावत बढेको र नागरिकले जनस्वास्थ्यका मापदण्ड पूर्णरुपमा पालना गर्ने तर्फ ध्यान नदिएकाले उनीहरूलाई सचेत बनाउन मास्क वितरणसँगै ‘तपाईको मास्क खोइ’ अभियान शुरु गरिएको मिर्चैयाका डीएसपी राजेन्द्र श्रेष्ठले बताए ।
यो अभियानले कोरोना नियन्त्रणमा सहयोगात्मक भूमिका निर्वाह गर्ने उनको विश्वास छ । सभार टुडेपाटी
