रौतहट ३१ भदौ ।
रौतहट प्रहरीद्धारा लाखौको अबैध पटाका बरामत गरेको छ । नेपाल बोर्डर आउट पोष्ट सरमुजवाबाट खटेको गस्ति टोलीले वेवारिसे अबस्थामा रहेको डेढ लाख बराबरको पटाका मोलापुर नगरपालिकाको वडा न. ६ पथरा बुधरामबाट बरामत गरिएका सोे पोष्टका इन्चार्ज प्रहरी निरीक्षक भरत गौतमले जानकारी दिनु भयो । दशैं , तिहार र छठ पर्वलाई लक्षित गरी भारतबाट तस्करहरुले सो पटाका नेपाल भित्र्याउन खोजेको हुन सक्ने प्रहरीले जनाएको छ । एक्कासी प्रहरीको गस्ती टोलीलाई देखेर पटाका छाडेर तस्करहरु भागेको हुनसक्ने प्रहरीको दावी रहेको छ । बरामत गरिएको सो पटाका स्थानीय बुद्धिजीवी, संचारकर्मी र नेपाल प्रहरीको रोहबरमा पानी हालेर खाडलमा गाडेर नष्ट गरिएको प्रहरीले जनाएको छ ।
