राैतहट ६ चैत्र
अवैध लता कपडा बरामद गरि भन्सार बुझाईएको राैतहटकाे चन्द्रनिगाहपुरबाट अवैध लताकपडा प्रहरीले बरामत गरेकाे छ । इलाका प्रहरी कार्यालय चन्द्रनिगहपुरबाट खटिएको प्रहरी टोलीले रौतहट चन्द्रपुर न.पा. वडा नं ४ स्थित चन्द्रनिगाहपुर गौर सडक खण्डमा चेक प्वाईन्ट गरेकाे थियाे । साेही क्रममा सवारी सवारी साधनहरु चेकजाँच गर्दा दक्षिणबाट उत्तर तर्फ आएको बसको डिकीमा भारतबाट अवैध रुपमा भन्सार छली चोरी पैठारी गरी ल्याएको लेगिज,टप्स र विभिन्न साईजका सेरवानी गरी अन्दाजी सात लाख सन्तानब्बे हजार तिन सय बराबरको लत्ता कपडाहरु नियन्त्रणमा लिइएकाे थियाे । बरामत गरिएकाे साे सामानहरु साेमबार आवश्यक थप कारवाहीको लागि राजश्व अनुसन्धान कार्यालय पथलैया,बारा बुझाईएको प्रहरीले जनाएकाे छ ।
राैतहटबाट अवैध लाखकाे कपडा प्रहरी नियन्त्रणमा ।
