अरविन्द कुमार यादव
गौर,१५ चैत्र ।रौतहट जिल्लाको गौर नगरपालिका -३ मचकुटिया टोलका एक घरमा खाना पकाउने क्रममा आगलागेर लाखौं बराबरको सम्पत्ति जलेर नष्ट भएको छ।
रौतहटको सदरमुकाम गौर -टिकुलिया जाने सडक मचकुटिया टोल स्थित रहेको ट्रान्सर्फमर छेउ उत्तरपट्टी अवस्थित चन्दन पासवानको घरमा खाना पकाइरहेको बेलामा आग लागेको हो।
रौतहटको सदरमुकाम गौर बि पि चोक देखि पाँच सय मिटर पश्चिम रहेको मजकुटिया टोलमा बेलुकी करिब ६.३० बजेको समयमा चंन्दन पासवानको घरमा खाना पकाउने क्रममा आगलगी हुँदा करिब चार लाख मूल्य बराबरको सम्पत्ति जलेर खरानी भएको छ।
घटना स्थलमा जिल्ला प्रहरी कार्यालयको टोली तथा बारुणयन्त्रको सहयोगमा आगोलाई नियन्त्रणमा लिइएको हो।
आगलागी पीडित परिवार पासवानको पाँच छोरी , दुई छोरा छन् । आमा बृद्धा अवस्था भई बिरामी अवस्थामा हाल पासवानले ठेला चलाई दश जनालाई कमाएर जिविको पार्जन गरी रहेका हुन् ।
