रौतहट १७ असार ।
रौतहटको फतुवा बिजयपुर नगरपालिका वडा नम्बर १ घुसुकपुरमा आइतबार वडाका जेष्ठ नागरिकलाई सम्मान गरेको छ । फतुवा बिजयपुर १ का वडा अध्यक्ष बिजय यादवको प्रमुख अतिथ्यतामा भएको कार्यक्रमबाट वडाका ७० बर्ष माथिका सबै जेष्ठ नागरिकलाई दोसल्ला ओढाएर सम्मान गरिएको छ । जेष्ठ नागरिकलाई सम्मान संगै ७० बर्ष माथिका सबै जेष्ठ नागरिकलाई झुल,छाता , टर्च लाइट बितरण गरिएको छ । वडामा रहेका २ सय जनालाई सम्मान तथा झुल बितरण गरिएको वडा सचिव बृज यादवले बताए ।जेष्ठ नागरिकको सम्मान कार्यक्रममा बोल्दै वडा अध्यक्ष बिजय यादवले जेष्ठ नागरिकको सम्मान गर्नु आफुहरुको कर्तव्य रहेको बताए । वडामा रहेका जेष्ठ नागरिलाई सम्मान गर्दा थोरै भएपनि उनीहरुलाई राहात पुगेको छ । अगामी दिनमा यसरी नै सम्मान गदै जाने वडा अध्यक्ष यादवले बताए । वडाको बजेटबाट जेष्ठ नागरिकलाई सम्मान तथा झुल, छाता , टर्च लाइट बितरण गरिएको हो । वडाका जेष्ठ नागरिकहरुले वडाले यसरी सम्मान गर्दा आफुहरुलाई खुसी लागेको बताए । जेष्ठ नागरिक सम्मान कार्यक्रममा वडा सदस्यहरु रामकृष यादव राम प्रवेश मुखिया, लगायत् वडाका बरघर, अगुवा, पत्रकार बुद्धिजीबीहरुको सहभागिता रहेको थियो ।
वडा अध्यक्ष बिजय यादवद्वारा जेष्ठ नागरिकलाई दोसल्ला ओढाएर सम्मान गरियाे।
