रौतहट ०१ साउन ।
रौतहट जिल्लामा एकवर्षमा १६ जनाको डुबेर मृत्यु भएको छ । मृत्यु हुनेमा ६ जना पुरुष, २ जना महिला, ४ जना बालक र ४ जना महिला रहेको जिल्ला प्रहरी कार्यलय रौतहट प्रवक्ता डिएसपी उमाशंकर यादवले जानकारी दिएका छन् ।
जिल्लाको पुर्वमा बागमती र पश्चिममा लालबकैया नदीसँगै साना नदी तथा पोखरीमा डुबेर १६ जनाको मृत्यु भएको हो । आइतबार मात्र जिल्लाको कटहरिया नगरपालिकास्थित गमहरिया घाट लालबकैया नदिमा नुहाउन गएका एक विद्यार्थीको डुबेर मृत्यु भएको थियो ।
यो घटना क्रमलाई ध्यानमा राखी सम्पूर्ण लाई सचेत बसी सतर्कता अपनाउन प्रवक्ता डिएसपी यादवले आग्रह समेत गरेका छन् ।
