माधवनारायणका मेयर यादव सवार गाडी दुर्घटना ।

रौतहट १५ भदौ ।
रौतहटको माधवनारायण नगरपालिकाका मेयर बैजनाथ प्रसाद यादव सवार गाडी गएराति दुर्घटनामा परेको छ ।
रौतहटबाट मधेश प्रदेशको राजधानी जनकपुर जाँदै गरेको अवस्थामा नगरपालिकाको ना १ झ १६६७ नम्बरको गाडी जनकपुरधाम उपमहानगरपालिका–१४ बाबा पेट्रोल पम्प नजिक दुर्घटना हुँदा मेयर यादव सहित गाडीमा सवार अन्य चार जना घाइते भएका छन् ।
बिहीवार राति करिव ११ बजेको समयमा भएको दुर्घटनामा माधवनारायणका मेयर बैजु भन्ने बैजनाथ प्रसाद यादव, सहित चार जना घाइते भएका छन् ।
तिव्र गतिमा जाँदै गरेको गाडी एक्कासि सडकबाट नहरमा खसेर दुर्घटनाग्रस्त भएको थियो । घटना भएको खबर पाए लाग्तै गएको प्रहरीले उनिहरुलाई उद्दार गरेका थिए ।

लोकप्रिय