रौतहट ३२ जेठ ।
रौतहटकाे गरुडा नगरपालिकाको वडा नम्बर ४ मा नगरपालिकाको प्रशासकिय भवनको शिलान्यास गरिएको छ । निर्माण हुन लागेको नगरपालिकाकाको तीन तल्ले प्रशासकिय भवनको नगर प्रमुख कन्थमनी जयसवालले शिलान्यास गर्नु भएको छ ।
जनताहरु सेवा लिन आउदा आफ्नो प्रशासकिय भवन नभएको कारण खेप्नु पर्ने समस्यालाई मध्यनजर गर्दै नगरपालिकाले भवन निर्माणको लागि पहिलो वर्षमै कार्य अगाडि बढाएको नगर प्रमुख जयसवालले बताए । भवन निर्माणका लागि पर्साको श्रेष्ठ बटुल भैरवा जेवी पर्साले ठेक्का पाएको छ। भवन निर्माणका लागि बोलपत्र अहवान गरिएको बेला सबै भन्दा कम मुल्यमा भवन निर्माण सकार गरेका श्रेष्ठ बटुल भैरवा जेवी पर्साले ३ करोड ३३ लाखमा भवन निर्माण गर्न लागेको हो ।
भवन लाई तीन तल्ले बनाउन योजना रहेकोमा तत्कालका लागि १ तल्ले भवनको स्टिमेट गरि कार्य अगाडि बढाइएको नगर प्रमुख कन्थमनि जयसवालले बताउनु भयो । आज शिलान्यास गरिएको भवनमा प्रशासनिय कार्य संचालनको लागि सुविधा सम्पन्न १४ वटा कोठा हुने बताइएको छ। भवन शिलान्यास कार्यक्रममा नगरपालिकाकि उप-प्रमुख पुनम चौशरी लगायत विभिन्न वडाका वडा अध्यक्ष सहित स्थानियहरुको सहभागीता रहेको थियो ।
